د ۱۴۰۵ هـ.ش کال په لومړیو شپږو میاشتو کې د اوسپنیزې لارې څخه د سوداګریزو توکو انتقالات څه باندې دوه برابره زیات شوي دي

kalim_admin
پنجشنبه ۱۴۰۵/۸/۱۴ - ۱۰:۴
د ۱۴۰۵ هـ.ش کال په لومړیو شپږو میاشتو کې د اوسپنیزې لارې څخه د سوداګریزو توکو انتقالات څه باندې دوه برابره زیات شوي دي

د ۱۴۰۵ هـ.ش کال په لومړیو شپږو میاشتو کې د حیرتان، آقینې او تورغونډۍ بندرونو او د خواف ـ هرات د اوسپنیزې لارې له مسیر څخه په ټولیزه توګه ۴ میلیونه او ۸۸۸ زره او ۲۶۸ مټریک ټنه سوداګریز توکي لېږدول شوي دي.

دا په داسې حال کې ده چې د ۱۴۰۴ هـ.ش کال په لومړیو شپږو میاشتو کې د همدې څلورو مسیرونو له لارې ۲ میلیونه او ۱۸۲ زره او ۳۱۲ مټریک ټنه سوداګریز توکي لېږدول شوي وو، چې د ۱۴۰۵ هـ.ش کال د لومړیو شپږو میاشتو انتقالات د تېر کال  د لومړیو شپږو میاشتو په پرتله څه باندې دوه برابره زیات والی ښیي.

د دغو مسیرونو له لارې تېل، مایع ګاز، غنم، اوړه، غوړي او نور خوراکي او ساختماني توکي هېواد ته وارد شوي دي. همدارنګه، وچه مېوه، ګاز لرونکي نوشابه باب، معدني ډبرې، پنبه او د هېواد نور تولیدي توکي د سیمې د هېوادونو بازارونو ته صادر شوي دي.

د اوسپنې پټلۍ له لارې د انتقالاتو او صادراتو په کچه کې دغه زیاتوالی د هېواد په کچه یو مثبت اقتصادي پرمختګ بلل کېږي. څومره چې د اوسپنیزې لارې څخه د انتقالاتو او صادراتو کچه لوړېږي، په هماغه اندازه د کاري فرصتونو د رامنځته کېدو، د ملي عوایدو زیاتوالي او د هېواد د اقتصادي ثبات، پرمختګ او پر ځان بسیاینې لپاره زمینه برابرېږي.

د ا.ا.ا اوسپنیزې لارې اداره هڅه کوي چې د سوداګریزو توکو د لېږد رالېږد لپاره مناسب شرایط رامنځته او سوداګرو ته لا زیاتې اسانتیاوې برابرې کړي.

...

۱ کال 2 میاشتې ago

...

تازه خبرونه

پنجشنبه ۱۴۰۵/۸/۲۱ - ۱۱:۱۳
Background image

د کندز – شېرخان بندر سړک د ترمیم چارې د څه باندې ۲۰.۴ میلیونه افغانیو په ارزښت پیل شوې

د ا.ا.ا د ټولګټو وزارت له لوري د کندز ولایت اړوند د کندز – شېرخان بندر عمومي سړک د ترمیم چارې د څه باندې ۲۰.۴ میلیونه افغانیو په ارزښت له خصوصي سکتور سره قرارداد شوې دي، چې د کندز ولایت. . .

شنبه ۱۴۰۵/۸/۱۶ - ۱۵:۱۲
Background image

د ټولګټو وزارت محترم وزیر په کاپیسا ولایت کې د یو شمېر پروژو له کاري بهیر څخه لیدنه او ارزونه وکړه

د ا.ا.ا د ټولګټو وزارت محترم وزیر الحاج ملا محمد عیسی ثاني د ترانسپورتي زیربناوو د پراختیا، د سړکونو د رغنیزو چارو د کیفیت او چټکتیا د ډاډ ترلاسه کولو او د پروژو د کاري بهیر د ارزونې په. . .

پنجشنبه ۱۴۰۵/۸/۱۴ - ۱۰:۴
Background image

د ۱۴۰۵ هـ.ش کال په لومړیو شپږو میاشتو کې د اوسپنیزې لارې څخه د سوداګریزو توکو انتقالات څه باندې دوه برابره زیات شوي دي

د ۱۴۰۵ هـ.ش کال په لومړیو شپږو میاشتو کې د حیرتان، آقینې او تورغونډۍ بندرونو او د خواف ـ هرات د اوسپنیزې لارې له مسیر څخه په ټولیزه توګه ۴ میلیونه او ۸۸۸ زره او ۲۶۸ مټریک ټنه سوداګریز. . .

BACK TO NEWS