داوطلبۍ ته د بلنې خبرتیا- د تخار ولایت د ټولګټو ریاست د اضافي ځمکې د اجارې خبرتیا
Publish Date
Closing Date
د ټولګټو وزارت اړوند، د تخار ولایت د ټولګټو ریاست اضافي ځمکه چې د یاد وزارت ملکیت ده، د دوکانونو د اعمار په موخه په اجارې ورکوي، دغه ځمکه په جنوبي برخه کې ۱۱۱ متره اوږدوالی او ۶ متره پلنوالی لري، او په لوېدیځه برخه کې ۶۹ متره اوږدوالی او ۸ متره پلنوالی لري، چې ټولټال اوږدوالی ۱۸۰ متره او پلنوالی ۱۴ متره کېږي، ټاکل شوې ده چې پر دې ځمکه درې پوړیز دوکانونه جوړ شي، د ټولګټو وزارت غواړي، د امارتي ځمکو د اجارې قانون او د قراردادونو د قانون له مخې، یاده ځمکه په اجاره ورکړي.
له همدې امله ټولو محترمو داوطلبانو (حقیقي او حکمي اشخاصو) ته چې په دې برخه کې د پانګونې لېوالتیا لري، په درناوي بلنه ورکول کېږي؛ ترڅو یو اغېزناک، عملي او اقتصادي طرحه د تجارتي، صنعتي، خدماتي او ورته تاسیساتو د جوړولو لپاره ترتیب کړي.
ټول داوطلبان دې خپلې طرحې د ۱۴۰۵/۲/۶ نېټې، د یکشنبې په ورځ، د سهار تر ۱۰:۰۰ بجو پورې (چې د داوطلبۍ وروستۍ نېټه ده) د ټولګټو وزارت د تدارکاتو ریاست ته، چې د صدارت څلور لارې کې، د پخواني کورنیو چارو وزارت ودانۍ، د احصائیې او معلوماتو ملي ادارې ترڅنګ موقعیت لري وسپاري.
که چېرې یو څوک د استازي له لارې ګډون کوي، نو استازی باید رسمي خط (مکتوب) هم له ځان سره ولري.
وړاندې کېدونکې طرحې باید لاندې موارد ولري:
- اقتصادي تحلیل او د لګښتونو لومړنی اټکل
- د پروژې د تطبیق مهالوېش
- د طرحې احتمالي ګټې له اقتصادي او ټولنیز پلوه
- د اجارې موده (په کلونو او میاشتو کې مشخصه شي)
- د میاشتني کرایې اندازه (په واضح او مستدل ډول وړاندې شي)
د داوطلبۍ وروستۍ نېټه او د طرحو پرانیسته:
۱۴۰۵/۲/۶ نېټه، د سهار ۱۰:۰۰ بجې
د اجرا تضمین:
د ګټونکي داوطلب له خوا به د یو کال کرایې معادل تضمین د نغدي بانک ګرنټۍ په بڼه وړاندې کېږي.
د طرحو د سپارلو ځای:
د ټولګټو وزارت، د تدارکاتو ریاست، د اجناسوآمریت
یادونه:
که چېرې د ۱۴۰۵/۲/۶ نېټه د حکومت له خوا په ناڅاپي ډول رخصت اعلان شي، نو داوطلبۍ او د طرحو پرانیسته به په راتلونکې کاري ورځ، په هماغه وخت او ځای کې ترسره شي.
