د هېواد په بیلا بیلو برخو کې د ټولګټو وزارت د ولایتي پرسونل لخوا د لویو لارو او سړکونو پاکول په چټکۍ سره جریان لري

media_admin
چهارشنبه ۱۴۰۳/۱/۲۹ - ۱۱:۳۳
هېواد په بیلا بیلو برخو کې د ټولګټو وزارت د ولایتي پرسونل لخوا د لویو لارو او سړکونو پاکول په چټکۍ سره جریان لري

د هېواد په بیلا بیلو برخو کې د ټولګټو وزارت د ولایتي پرسونل لخوا د لویو لارو او سړکونو پاکول په چټکۍ سره جریان لري

کابل – جلال آباد: 
د ټولګټو وزارت د زيان منونکو سيمو او اضطراري حالت رياست کاري ټیم له لوري د کابل - جلال اباد لويې لارې اړوند د کابل دروازې په درې کيلومترۍ (ماهيپر ) سيمه کې، چې کوم فرعي سړک تېر کال د وسايطو د تګ راتګ لپاره جوړ شوی وو پرون تحکیم کاري او د کابل - جلال اباد لويه لارې ته چې کومې ډبرې را ښويېدلې وي او وسایط یې د تګ راتګ پرمهال له خنډ سره مخ کړي وو د سړک له سطحې څخه لرې شوې.
سمنګان – مزار شریف لویه لار: یاده لویه لار چې د سمنګان ولایت د خُلم ولسوالۍ اړوند د تاشقرغان تنګي په سیمه کې د غر ښویدنې له امله یې د ترافیکي وسایطو تګ راتګ ټکنی کړی وه دا مهال هم د مزارشریف له لوري او هم یې د سمنګان ولایت له لوري د پاکولو کار په چټکۍ سره جریان لري او او یاده لویه لار د ترافیکو پرمخ پرانیستل شوه.
نورستان: د یاد ولایت اړوند د کونړ – نورستان سړک د برف کوچ له امله د ترافیکو پرمخ په موقتي ډول بنده شوې ده او د پاکولو چارې جریان لري، د یاد ولایت په ځینو نورو ولسوالیو کې هم د ورستیو ورښتونو له امله خاورې او ډبرې د سړک سطحې ته راښویدلې وې چې د یاد ولایت د ټولګټو ریاست پرسونل په شپه او ورز هڅو پاک کاري او د ترافیکو پرمخ پرانیستل شوي.


 کندهار: په دغه ولایت کې هم د سختو اورښتونو له امله سیلابونه راوتلي چې له امله یې د یاد ولایت د شاه ولي کوټ ولسوالۍ لاره د ترافیکو پرمخ تړلي ده خو د پاکولو کار یې په شدت جریان لري.


سالنګ: پرون ورځ په سالنګونو کې د واورې اورښت جریان درلود چې د سالنګونو د ساتنې او څارنې پرسونل لخوا یاده لویه لار  پاک کاري شوه، نن ورځ په یاده لویه لار مسافروړونکي وسایط له دواړو لورو او بار وړونکو وسایطو ته په وار سره د تګ اجازه ورکول کیږي.
د یادونې وړ ده چې ځینې مغرض خلک د لارو د بند والي په هکله له حقیقت لري او نیمګړي راپورونه خپروي دټولګټو وزارت ولایتي پرسونل د هېواد په بیلابیلو برخو کې؛ په خاص ډول په زیان مننونکو سیمو کې په دندو ګمارل شوي دي او شپه او ورځ هڅه کوي چې هېواد والو ته د تګ راتګ په برخه کې غوره آسنتیاوې رامنځ ته کړي او دغه وزارت د درنو هېواد والو څخه هیله کوي چې د خلکو په نیمګړو او له حقیقت لري راپورونو باندي دي باور نه کوي.
د ټولګټو وزارت سرپرست وزیر محتر الحاج ملا محمد عیسی ثاني د یاد وزارت ټولو ولایتي رئیسانو او کار کوونکو ته لارښونه کړي چې په زیان منونکو سیمو کې دي د لارو د پاکولو او هیواد والوته د ترانسپورتي آسانتیاوو برا برولو په موخه بشپو چمتو والي ولري تر څو هېواد وال د تګ راتګ پرمهال د ستونزو سره مخ نشي

...

11 میاشتې ۱ اونی ago

...

...

تازه خبرونه

سه‌شنبه ۱۴۰۳/۲/۱۱ - ۱۲:۷
Background image

د سالنګ لويه لار د مسافر وړوکو وسايطو پر مخ پرانيستل شوه

د سالنګونو لويه لار د تيرې شپې په ۰۸ د تېزې واورې د ورښت، طوفان او د ليد د ساحې د محدوديت له کبله د ترافيکو پر مخ تړل شوې وه او نن د غويي په ۱۱ مه د سحار پر ۰۷ بجو د لويو او کوچونيو. . .

شنبه ۱۴۰۳/۲/۸ - ۱۵:۲۰
Background image

د ټولګټو وزارت سرپرست وزیر د پروژو د لیدني په موخه لغمان ولایت ته سفر وکړ

د ټولګټو وزارت سرپرست وزیر محترم الحاج ملا محمد عیسی ثاني چې د وزارت یو شمیر مرکزي رئیسانو یې ملتیا کوله پرون د جمعې په ورځ لغمان ولایت ته د پروژو لیدنو په موخه سفر وکړ.

د ټولګټو وزارت. . .

دوشنبه ۱۴۰۳/۲/۳ - ۱۵:۱۵
Background image

د هېواد یو شمېر مسیرونه چې د وروستیو اورښتونو او سېلابونو له امله د لنډ مهال لپاره د ترافیکو پرمخ تړل شوي وو پاک کاري او ترافیکو پر مخ پرانیستل شول

د نورستان - کنړ عمومي سړک چې د تېرو ورځو دوامدواره اورښتونو او غر ښویېدنې له امله تړل شوی و د یاد ولایت د ټولګټو ریاست د کاري پرسونل له لوري پاک کاري او ترافیکو پر مخ پرانیستل شو خو په. . .

BACK TO NEWS