په اسد مياشت کې د اوسپنې پټلۍ له لارې (۳۱۶۷۴۳) مټریک ټنه انتقالات شوي دي
په اسد مياشت کې د اوسپنې پټلۍ له لارې (۳۱۶۷۴۳) مټریک ټنه انتقالات شوي دي
د صفرالمظفر۲۴مه ۱۴۴۶
د ۱۴۰۳ هـ.ش. کال د اسد/زمري مياشتې له پيله تر پايه د ټولګټو وزارت د اوسپنې پټلۍ له لارې (۳۱۶۷۴۳) مټریک ټنه انتقالات شوي دي.
د حیرتان بندر له لارې (۲۵۵۳۰۷) ټنه، د آقینې بندر له لارې (۲۷۸۳۱) ټنه، د تورغونډۍ بندر له لارې (۲۹۰۲۹) ټنه او د خواف-هرات بندر له لارې (۴۵۷۶) ټنه، چې ټولټال (۳۱۶۷۴۳) ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات دي، په اسد مياشت کې (۱۶۷۳۳) ټنه ټرانزيټ شوی، چې لویه برخه یې وچه مېوه، معدني ډبرې او د انارو جوس دي.
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
درنو تجارانو! که غواړئ خپل سوداګريز توکي په خوندي، ارزانه او چټکه توګه د ريل پټلۍ له لارې انتقال کړئ، نو همدا اوس په مرکز کابل او ولايتونو کې د ټولګټو وزارت د اوسپنيزې کرښې معینیت له آړوند مسوولينو سره په آړيکه کې شئ.
کابل: 0202320933
بلخ: 0792008090
هرات: 0793500545
فارياب: 0794050003
د ټولګټو وزارت د اوسپنيزې کرښې معينيت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې برابرې کړي.
