د هیواد د سړکونو او لویو لارو د نن ورځې وضعیت:
د سالنګونو لویه لار: نن ورځ په سالنګونو کې هوا نیمه وریېځ ده او یاده لویه لار د ترافیکو پرمخ پرانیستې ده. دا مهال مسافر وړونکي موټر له دواړو لورو او بار وړونکي موټر له جنوب څخه شمال لوري ته تګ کولی شي. غزني: د غزني – جغتو ولسوالۍ سړک، چې د ورستۍ واورې له امله په مومند کوتل کې بند شوی و، بېرته د ترافیکو پرمخ پرانیستل شو. زابل: د زابل ولایت ټولګټو ریاست پرسونل او ماشینرۍ لخوا د دغه ولایت د میزانې ولسوالۍ اړوند، مکرک او باوړي سیمو کې د ورستیو اورښتونو له امله د ویجاړو پلګوټو او سړک د ترمیم کار جریان لري. کونړ: د دغه ولایت د څوکۍ ولسوالۍ لار، په تري سېمه کې تیره شپه دغره ښویېدنې له امله د ترافیکو پرمخ بنده شوي وه، چې د د یاد ولایت د ټولګټو ریاست لخوا پاک کاري او د ترافیکو پرمخ پرانیستل شوه. د یادونې وړ ده، چې د هیواد نور ټول سړکونه او لویې لارې د ترافیکو د تګ راتګ پرمخ پرانیستې دي او تر دامهاله کوم ترانسپورتي خنډ شتون نه لري.