د هېواد په یو شمېر ولایتونو کې د تیرې ورځې د اورښتونو او سېلابونو د راوتلو له امله د لویو لارو او نښلوونکو سړکونو پاک کاري په چټکۍ سره جریان لري
د هېواد په یو شمېر ولایتونو (غور، هرات بغلان، بدخشان، تخار، سمنګان، بادغیس، هرات، خوست، پکتیا او پروان) کې د تیرې ورځې د اورښتونو او سېلابونو د راوتلو له امله یو شمېر لویې لارې او نښلونکي سړکونه چې موقتاً د ترافیکو پر مخ تړل شوي و، ځیني یې پرانیستل شوي او ځینو نور مسیرونو د پاکولو کار دا مهال د اړوندو ولایتونو د ټولګټو ریاستونو د کاري پرسونل او ماشینرۍ له لوري په چټکۍ سره جریان لري.
همدارنګه، په بامیان ولایت کې د بامیان – سرپل، یکاولنګ ولسوالۍ مسیر د زولیج په سیمه کې او د بامیان – بغلان مسیر د غندک په سمیه کې، په بغلان ولایت کې د جلګې او نهرین په مسیرونو کې د رسوبي او تخریبي موادو پاک کاري جریان لري او د خوست – پکتیا لویه لار چې د غرښویېدنې له امله د ترفیکو پرمخ تړل شوې وه پاک کاري او دا مهال بېرته پرانیستل شوه.
په بدخشان ولایت کې د بدخشان – تخار لویې لارې څخه د رسوبي او سېلابي موادو پاک کاري جریان لري او د یاد ولایت د بهارک، جرم، شغنان، یمګان، اشکاشم، کران و منجان، وردوج او شهدا ولسولوالیو مسیرورنه، په سمنګان ولایت کې د خرم او سارباغ ولسوالیو مسیرونه او دغه راز په غور ولایت کې د غور – هرات، غور کابل، غور ـ مرغاب او غور ـ چارسدې ولسوالیو مسیرونه د تېرو ورځو د اورښتونو سېلابونو د راوتلو له امله لنډ مهاله تړل شوي دي، چې د پاکولو او پرانستلو کار یې د اړوندو ولایتونو د ټولګټو ریاستونو د کاري پرسنل او ماشینرۍ له لوري په چټکۍ سره جریان لري.
د ټولګټو وزارت سرپرست وزیر محترم الحاج ملا محمد عیسی ثاني د یادو ولایتونو اړوند رئیسانو او کار کوونکو ته لار ښونه کړې ده چې د خپل پرسونل او ماشینرۍ پرمټ دې دغه مسیرونه د خاورو او رسوبي موادو څخه پاک کاري کړي؛ تر څو ژرترژره د هېواد والو ترانسپورتي ستونزې هوارې شي
