د لویو لارو د بدیلو مسیرونو په هکله د ټولګټو وزارت خبرتیا!
ټولګټو وزارت د سالنګونو او کابل-کندهار لویې لارې د ترمیم او بیارغونې کار پیل کړی چې دا مهال یې د رغونې چارې عملاً جریان لري.
د مسافر وړونکو او بار وړونکو وسایطو د تګ راتګ په موخه په سیمه کې بدیلې لارې رغول شوې دي ترڅو د کار په جریان کې وسایط له یادو بدیلو لارو څخه تګ را تګ وکړي.
ټولګټو وزارت له ټولو هېواد والو او موټرچلوونکو څخه په درنښت هیله کوي چې له یادو مسیرونو څخه د تګ راتګ پرمهال ترافیکي قوانین مراعت کړي او د بیځایه مخکې کیدو( سبقت جویۍ) څخه دې په کلکه ډه ډه وکړي؛ ترڅو د زړه بوږنونکو پیښو څخه مخ نیوی وشي.
ټولګټو وزارت له درنو هېواد والو او موټر چلوونکو څخه غواړي چې د یادو پروژو تر بشپړیدو پورې له حوصلې څخه کار واخلي، د دغو پروژو له بشپړیدو سره به د خلکو ترانسپورتي ستونزې هوارې شي.
