د ټولگټو وزارت مالي او اداري معین معرفي شو
د عاليقدر امیرالمؤمنین حفظه الله، د ۱۴۴۴/۲/۱۳نیټې د ۱۲۷ گڼه حکم پر بنسټ د ټولګټو وزارت نوی ټاکل شوی مالي او اداري معین محترم محمد یونس آغا، نن د یوې غونډې په ترڅ کې د دغه وزارت کارکوونکو ته ور وپیژندل شو.
په دې اړه جوړو شویو مراسمو کې د چارو ادارې مرستیال محترم مولوي عبد السلام حقاني، دټولګټو وزارت تخنیکي معین محترم عبد الکریم فاتح، دساتنې او څارنې معین الحاج معاون ملا عبدالجبار، یو شمیر رئيسانو او کارکوونکو گډون کړی وو.
غونډه د قرآن کریم د مبارکو ایاتونو په تلاوت سره پیل شوه، لومړی عبدالباقي منصور د چارو اداري فرهنګي اواجتماعي رئيس د ټولګټو وزارت د نوي اداري او مالي معین د ټاکنې اړوند د عالی قدر امیرالمؤمنین حکم قرائت کړ او نموړي ته یې په ور سپارل شوي دنده کې د بریال هیله وښوده.
ورپسې د چارو ادارې، مرستیال محترم مولوي عبدالسلام حقاني خبري وکړې وې ویل: تغیر او تبدیل په هر نظام کې یو اصل دی او په اسلامي امارت کې د مسؤلیت اخیستنې معیار شفافیت دی، څوک چې د ا.ا.ا، له لوري په دنده گمارل کېږي یواځینی هدف یې د هیواد ابادي او اقتصادي پرمختگ وي، هغه زیاته کړه، موږ ټول باید د یوه ځان بسیا افغانستان لپاره په گډه کاروکړو تر څو مو په راتلونکي کې هیواد او هیوداول له هر اړخه په ځان بسیا شي.
د مراسمو په لړ کې د ټولګتو وزارت تخنیکي معین مولوي عبد الکریم فاتح، خبري وکړې او محترم محمد یونس آغا ته یې دمبارکې او ښه راغلاست ترڅنګ له الله (ج) څخه په چارو کې د بریا غوښتنه وکړه.
وروسته د ټولگټو وزات مالي او اداري معین محترم محمد یونس آغا، د خبرو پرمهال د عاليقدر امیر المؤمنین له باور څخه مننه وکړه او زیاته یې کړه چې په ټول توان سره به د هیوادوالو د ترانسپورتي ستونزو د هوارولو په برخه کې هڅه وکړي، همدارنګه هغه د وزارت له ټولو کارکونکو څخه وغوښتل تر څو په پوره صداقت او رښتنولي سره کار وکړي د خلکو خدمت وکړي، یاده غونډه د ټولګټو وزارت د دعوت او ارشاد رئیس محترم مولوي عبدالولي محمد په دعا سره پای ته ورسېده.
د ټولګټو وزارت رسنیز دفتر
