د بدخشان په یفتل بالا ولسوالۍ کې د دوه کیلومتره سړک د جوړولو چارې ۹۲ سلنه مخته تللي
دا جغلي سړک چې دوه کیلومتره اوږدوالي لري د بدخشان ولایت د یفتل بالا ولسوالۍ اړوند له سمچان درې تر لنګر کلي پورې غځیدلي، اوس مهال یې رغنیزې چارې ۹۲ سلنه کاري پرمختګ سره دوام لري.
یاد جغلي سړک د ټولګټو وزارت د انرپ یا د کلیو د لار جوړونې ملي پروګرام تر چتر لاندې د څه باندې ۶ میلیونه افغانیو په لګښت جوړیږي.
د یادې پروژې د رغنیز کار په جریان کې د سیمې د اوسېدوونکو لپاره په مستقیم او غیر مستقیم ډول ۲۳۷۰ کاري ورځې رامنځته شوي، چې د کار له بشپړیدو سره به یې د یفتل بالا ولسوالۍ د اوسېدونکو هغه ستونزې چې له دې مخکې د ژمې په موسم کې ورسره مخ وو هواري کړي.
انرپ یا د کلیو د لار جوړونې ملي پروګرام چې وړاندې یې یوه لویه برخه له کلیو بیارغونې او پراختیا وزارت سره وه تازه ټولګټو وزارت ته په بشپړه توګه انتقال شوی چې د هیواد په کليو او بانډو کې ګڼې پروژې تر کار لاندې لري.
ټولګټو وزارت ـ کابل
