د سالنګونو لویې لارې د بدیل (دوشي – بامیانو) سړک د ترمیم او پراخولو کار دوام لري:
ټولګټو وزارت؛ هېوادوالو ته د تګ راتګ ستونزو د هوارولو په موخه، د سالنګونو لویې لارې د بدیل ( دوشي – بامیانو) مسیر د ترمیم او پراخولو کار پیل کړی دی.
د سالنګونو لویې لارې د دغه بدیل سړک، د ترمیم او پراخولو کار د دوشي سیمې لخوا د بغلان ولایت د ټولګټو ریاست د فني پرسونل او ماشینري پرمټ او د بامیانو ولایت له لوري د دغه ولایت د ټولګټو ریاست د پرسونل او شته ماشینري څخه په ګټې اخیستنې سره جریان لري.
د یادونې وړ ده، چې د پنجشیر ولایت اړوند د سالنګونو لویې لارې د بدیل سړک د ترمیم او پراخولو کار هم د دغه ولایت په خاواک سیمه کې د یاد ولایت د ټولګټو ریاست له لوري دوام لري.
