د سړکونو او لویو لارو د نن ورځې وضعیت:
د سالنګ لویه لار: نن ورځ په سالنګونو کې هوا وريېځ ده او د ورځې په جریان کې د واورې د اورښت اټکل شوی، دا مهال په دغه لویه لاره مسافر وړونکي وسائط له دواړو لورو او باروړونکي موټر له جنوب څخه شمال لوري ته تګ کولای شي.
غور: په غور کې د واوري اورښت دوام لري او د دغه ولایت بندبکک، بندبایان او بندغوک مسیرونه د واوري او طوفان له امله د تګ راتګ پرمخ بند دي.
همدارنګه په فراه کې د پرچمن ولسوالۍ لار او په سرپل کې د قم کوتل لار د واورو له امله بندې دي، خو د قم کوتل بدیله لار د تګ پرمخ پرانیستې.
د یادونې وړ ده، چې د هیواد په یو شمېر نورو ولایتونو کې د واورې د اورښت اټکل شوی، خو د یادو ولایتونو ټول نښلونکي سړکونه او لویې لارې تر دا مهاله خلاصې دي.
د ټولګټو وزارت ولایتي ریاستونه له قراردادي شرکتونو سره په همغږۍ د هیواد په بېلابېلو برخو کې له سړکونو او لارو څخه د واورو او اوبو د پاتي شونو او رسوبي موادو په پاکولو او پرانیست ساتلو بوخت دي.
