د هیواد د سړکونو او لویو لارو د نن ورځې وضعیت:
د سالنګ لویه لار: نن ورځ په سالنګونو کې د واورې اورښت دوام لري او یاده لار د ترافیکو پرمخ خلاصه ده، دا مهال مسافر وړونکي موټر له دواړو لورو او له ټيلري موټرو پرته نور بار وړونکي موټر له شمال څخه جنوب ته تګ کولی شي.
بدخشان: په دغه ولایت کې هم د واورې اورښت دوام لري، د یفتل – یاوان ولسوالۍ مسیر، د سرصفحه، د شیبر کلان او شیبر خورد کوتلونو مسیرونه د واورې ښوېدني له امله بند دي، چې د پاکولو کار جریان لري.
بامیان: په بامیانو کې د پنجاب بازار – ابقول کرمان مسیر، د باد راوړي واوري له امله د تګ راتګ پرمخ په لنډ مهاله توګه بند دی، چې د پاکولو کار یې روان دی.
غور: دغه ولایت په ځینو برخو کې د واورې اورښت شته، چې ځینې مسیرونه یې د تګ راتګ پرمخ بند دي او د پاکولو کار یې جریان لري.
میدان وردګ: په دغه ولایت کې د دویمې حصې ولسوالۍ لارې د پاکولو کار په دشت مزار سیمه کې جریان لري.
د یادونې وړ ده، چې د هیواد نور ټول سړکونه او نښلونکي لارې د تګ راتګ پرمخ خلاص دي، د دغه وزارت ولایتي ریاستونه له شته ماشینري او پرسونل څخه په استفادې؛ د سړکونو او لویو لارو د پاکولو او پرانیستلو ساتلو لپاره بشپړ چمتوالی لري.
