د ټولګټو وزارت د اوسپنيزې کرښې مرستيال د ريلي همکاريو په موخه ايران ته سفر وکړ
د ا.ا.ا د ټولګټو وزارت د اوسپينزې کرښې د مرستيال محترم مولوي محمد اسحاق صاحبزاده تر سرپرستۍ لاندې مل پلاوي د ايران هيواد د اوسپنې پټلۍ ادارې په رسمي بلنه دغه هيواد ته د ريلي همکاريو د پراختيا په موخه سفر وکړ.
ټاکل شوې ده، د ټولګټو وزارت د اوسپنيزې کرښې د مرستيال تر سرپرستۍ لاندې مل پلاوی ددغه سفر په جريان کې د ايران هيواد د اوسپنې پټلۍ ادارې او نورو اړونده ادارو سره د خواف-هرات د اوسپنيزې کرښې له لارې د انتقالاتو پر زياتوالي او دوه اړخيزو ريلي همکاريو په تړاو خبرې وکړي.
دا په داسې حال کې ده، چې اوسمهال د خواف-هرات له لارې د سوداګريزو توکو انتقالات جريان لري او ددغه مسير يوشمېر برخې هم تر کار لاندې دي
