د ټولګټو وزارت د دفتر او د تخنیکي چک رئیسان معرفي شول
د ټولګټو وزارت د پیشنهاد په اساس او د ریاست الوزرا د عالي مقام د ۱۴/ ۱ / ۱۴۴۵ نېټې، (۳۱۱) ګڼه حکم پر بنسټ محترم ایمل جمال، د دغه وزارت د دفتر رئیس او د (۳۱۰) ګڼه حکم پر بنسټ محترم انجنیر حکمت الله همدرد، د یاد وزارت د تخنیکي چک د رئیس په توګه په دویم رتبه بستونو کې وټاکل شول، چې د یادو ریاستونو کارکوونکو ته ور وپېژندل شول.
د یادونې وړ ده؛ چې نویو ټاکل شویو رئیسانو د لیسانس تر کچې لوړې زده کړې کړي او په اړوند برخو کې پوره کاري تجربه هم لري.
