د ټولګټو وزیر د مالیې له سرپرست وزیر سره د ګڼو مهمو او ملي پروژو په اړه خبرې وکړې
د ټولګتو چارو وزير ښاغلي نجېب الله يمين، د ماليې له سرپرست وزير محمد خالد پاينده، سره په ماليې وزارت کې وکتل او پر ځینو مهمو او ملي پروژې یې ورسره خبرې وکړې، په دغه ناسته کې د ټولګټو وزات مالي او اداري مرستیال ښاغلی محمد حامد محيبي او د دواړو وزارتونو ګڼو رئیسانو هم حضور درلود.
په یاده ناسته کې د کابل حلقوي سړک، د کلیو د لارو جوړلو ملي پروګرام (NRAP)، ترانس – هندوکش په نښلونکې پروژې، د کابل ـ کندهار لویې لارې ترمیم او بیارغول او اړوند نورو مسایلو باندې خبرې او بحث وشو، چې په اړه یې لازم تصمیمونه ونیول شو.
د ټولګټو وزارت ـ کابل
د وري ۸مه، ۱۴۰۰
