د پروان په بګرام ولسوالۍ کې د ۱.۵ کیلومتره سړک رغنیز کار دوام لري
دا کانکریټي سړک چې ۱.۵ کیلومتره اوږدوالی لري، د پروان ولایت د بګرام ولسوالۍ اړوند په قلعه ملک کلي کې جوړیږي چې اوس مهاله یې د رغونې کار دوام لري
د یاد سړک رغنیز کار د څه باندې ۱۴ میلیون افغانیو په ارزښت د ټولګټو وزارت او یوه خصوصي ودانیز شرکت تر منځ تړون شوی، چې مالي لګښت یې د هیواد له ملي بوديجې څخه ورکول کیږي
د دې پروژې د رغنیز کار پرمهال، د پروان ولایت د بګرام ولسوالۍ اوسېدونکو ته په مستقیم او غیرمستقیم ډول ۹۳۹۹ کاري ورځي رامنځته شوي، چې د سړک د رغنیز کار له بشپړیدو سره به د قلعه ملک کلي په ګډون د سړک اړوند کلیو د اوسېدونکو ترانسپورتي ستونزې ترپخوا کمې شي
د ټولګټو وزارت رسنیز دفتر
