د کندهار – هرات لویې لارې په اوږدو کې د هلمند ولایت اړوند د دوه محرابه مسجدونو د رغونې چارې د څه باندې ۶۷.۸ میلیونه افغانیو په ارزښت پیل شوې
د ټولګټو وزارت له لوري د کندهار – هرات لویې لارې په اوږدو کې د هلمند ولایت په نادعلي او واشېر ولسوالیو اړوند سیمو کې د دوه محرابه مسجدونو د رغونې چارې د یاد وزارت د یو شمېر رئیسانو او سیمه اییزو مسئولینو په شتون کې پیل شوې.
د نادعلي ولسوالۍ اړوند مسجد د نوید نوري ودانیز خصوصي شرکت سره د څه باندې ۳۳،۹ میلیونه افغانیو په ارزښت او د واشېر ولسوالۍ اړوند مسجد د دامان پوپلزي ودانیز خصوصي شرکت سره د څه باندې ۳۳.۸ میلیونه افغانیو په ارزښت قرارداد شوي دي، چې د رغونې چارې به یې د یو کال په موده کې بشپړې او ګټې اخیستنې ته و سپارل شي.
د یادونې وړ ده، چې د ټولګټو وزارت له لوري د عالیقدر امیر المؤمنین حفظ الله د حکم په اساس د لویو لارو په اوږدو کې ۷۵ محرابه مسجدونه رغول کیږي چې د هر یو مسجد لپاره ۳ جریبه ځمکه ځانګړې شوېده او په یو وخت کې به ۳۰۰ تنه ( ۱۷۰ نارینه او ۱۳۰ ښځینه لمونځ کوونکي) لمونځ کوي او ټول تأسیسات به یې په سولریزې برېښنا سمبال وي.
د لړم۲۳مه د ټولګټو وزارت رسنیز دفتر
