سړکونه ملي شتمني ده، ساتنه او څارنه یې د هر افغان ملي وجیبه ده
د هېواد په سویل ختیځ کې د خوست ځوانانو د ملي احساس له مخې په شخصي لګښت هغه پلچک بیا ورغاوه چې څه موده وړاندې د هېواد د دښمنانو لخوا ویجاړ شوی وو.
دغه پلچک د خوست د موسی خېلو ولسوالۍ اړوند د سړو اوبو او توت پالې کلیو ترمنځ د سړک په اوږدو کې موقعیت لري چې څه موده وړاندې د هېواد، خاورې او ولس د دښمنانو له لوري په بمونو الوزول شوی و.
ټولګټو وزارت د هېواد له ټولو وګړو څخه هیله لري چې د خوست د با احساسه ځوانانو په څېر د هېواد په ګوټ ګوټ کې د ټولګټو ځایونو په خوندیتوب کې د هېواد له آبادۍ سره مرسته وکړي.
