په فاریاب کې د یو کانګریټي پُل د جوړیدو کار بشپړ شوی او ګټې اخیستنې ته چمتو دی
دغه کانګریټي پُل د ټولګټو وزارت لخوا د فاریاب ولایت په مرکز میمنې ښار کې جوړ شوی، چې اوږدوالی یې ۴۸ متره او سور یې ۱۲.۵ متره دی، چې همهاله پرې په یو وخت دوه موټره تللی شي
د پُل د جوړیدا تړون د ټولګټو وزارت لخوا د نژدې ۲۴ میلیون افغانیو په ارزښت له یو خصوصي ودانیز شرکت سره شوی دی، چې اوس مهال یې رغنیزې چارې بشپړې او ګټې اخیستنې ته چمتو دی، له ياد پله څخه به ۳۵۰۰ تنه په مستقیم او ۲۱۰۰۰ تنه نور به ترې په غیر مستقیم ډول ګټه واخلي
ددغه پله په جوړیدا سره به د سيمې د خلکو لپاره ښوونیزو او روغتیایي مرکزونو ته لاس رسی اسانه شې او دغه راز به د کرنیزو او تولیدي توکو د لېږد رالېږ پروسه هم اسانه او چټکه شې
