اروزګان: د کندهار ۔ اروزګان لویې لارې د اساسي رغونې کار جریان لري
![اروزګان: د کندهار ۔ اروزګان لویې لارې د اساسي رغونې کار جریان لري](/sites/default/files/2023-04/whatsapp_image_2023-04-04_at_11.17.36_pm.jpeg)
د ټولګټو وزارت له لوري، د کندهار – اروزګان لویې لارې د اساسي رغونې کار جریان لري.
دا لویه لار، چې ١١٠ کیلومتره اوږدوالی او ٧ متره پلنوالی لري، د کندهار له ارغنداب ولسوالۍ څخه پیل د اروزګان تر مرکز ترینکوټ ښار پورې غځېدلي.
د یادې پروژې د کار پر مهال د سیمې یو شمېر اوسېدونکو ته د کار زمینه برابره شوې او له بشپړیدو سره به يې د اروزګان ولایت د اوسېدونکو ترانسپورتي ستونزې هوارې شي همدارنګه به د یاد ولایت د اوسېدونکو په اقتصادي وده (سوداګریزو او کرنیزو توکو) په لیږد رالیږد کې به د پام وړ اسانتیاوې رامنځته شي.