داوطلبۍ ته د بلنې خبرتیا- د ارزګان ولایت د سیوات د ۴۰ متره پل د جوړولو پروژه
Publish Date
Closing Date
د ټولګټو وزارت ټولو په شرایطو برابرو داوطلبانو ته بلنه ورکوي؛ ترڅود ارزګان ولایت د سیوات د ۴۰ متره پل د جوړولو پروژې د داوطلبۍ په پروسه کې ګډون وکړي.
اعلاقه لرونکي داوطلبان کولای شي د شرطپاڼې او تخنیکي اسنادو سافټ کاپي د ملي تدارکاتو محترمې ادارې له وېبپاڼې، د برېښنايي تدارکاتو له سیستم او د افغانستان (https://tenders.ageops.af) د پرانیستو تدارکاتو له سایټ څخه ترلاسه کړي.
داوطلبان دې خپلې آفرنامې د شرطپاڼې له مندرجو شرایطو او د تدارکاتو د اصولو سره سم، په مهر او لاک شوو بستو کې، د اعلان د خپرېدو له نېټې څخه د ۱۴۰۵/۴/۱۰ هـ.ش نېټې د سهار تر ۱۰:۰۰ بجو پورې د ټولګټو وزارت د تدارکاتو ریاست ته چې په ملالي واټ، د پخواني کورنیو چارو وزارت سړک، د احصائیې او معلوماتو د ملي ادارې ترڅنګ موقعیت لري وسپاري.
هغه آفرونه چې له ټاکلي وخت وروسته ورسېږي او یا هم د انټرنېټ له لارې وړاندې شي، د منلو وړ نه دي.
د آفرونو د پرانیستلو غونډه به د ۱۴۰۵/۴/۱۰ هـ.ش نېټې د سهار په ۱۰:۰۰ بجو د ټولګټو وزارت د مرکزي ودانۍ په جومات کې ترسره شي.
