داوطلبۍ ته د بلنې خبرتیا- د ټولګټو وزارت د اضافي ملکیت د دوو موازي ځمکو د اجارې خبرتیا
Publish Date
Closing Date
ټولګټو وزارت ټولو داوطلبانو ته بلنه ورکوي، چې د کندز ولایت، د چهاردرې ولسوالۍ په جوار کې د خپل اضافي ملکیت اړوند دوه موازي ځمکې، چې یوه یې ۳۴۱۲ متره مربع د شمال ختیځ لوري ته او بله یې ۲۳۶۲.۵ متره مربع د شمال لویدیځ لوري ته موقعیت لري، په اجاره ورکړي.
له ټولو حقیقي او حکمي اشخاصو څخه، چې په دې برخه کې د پانګونې لېوالتیا لري، په درنښت بلنه ورکول کېږي؛ ترڅو د یادو ځمکو پر سر د سوداګریزو، صنعتي، خدماتي او یا نورو مناسبو تأسیساتو د جوړولو لپاره یو اغېزمن، اقتصادي او د عملي کېدو وړ طرحه ترتیب او د ۱۴۰۵/۴/۲۰ نېټې پورې یې د ټولګټو وزارت د تدارکاتو ریاست، د اجناسو تدارکاتو آمریت ته، چې د صدارت څلورلارې، د پخواني کورنیو چارو وزارت ترڅنګ، د احصایې او معلوماتو ملي ادارې په جوار کې موقعیت لري، وسپاري.
وړاندې کېدونکې طرحه باید لاندې موارد ولري:
۱. د ځمکې د کارونې موخې او ډول روښانه تشریح.
۲. د وړاندیز شویو تأسیساتو لومړنۍ طرحه، له نقشې او پلان سره.
۳. اقتصادي تحلیل او د لګښتونو لومړنۍ اټکل.
۴. د پروژې د پلي کېدو مهالوېش.
۵. د طرحې احتمالي اقتصادي او ټولنیزې ګټې.
۶. د اجارې موده؛ داوطلب باید د خپلې غوښتل شوې اجارې موده په کلونو او میاشتو کې په څرګند ډول مشخصه کړي.
۷. د میاشتني کرایې اندازه؛ داوطلب باید د میاشتني کرایې وړاندیز په واضح، مشخص او مستند ډول وړاندې کړي.
د آفر تضمین: فعلاً د تطبیق وړ نه دی.
د طرحو د سپارلو وروستۍ نېټه: د ۱۴۰۵/۴/۲۰، د سهار تر ۱۰:۰۰ بجو پورې.
د طرحو د سپارلو ځای: ټولګټو وزارت د تدارکاتو ریاست، د اجناسو تدارکاتو آمریت.
یادونه: که چېرې د ۱۴۰۵/۴/۲۰ نېټه د حکومت له لوري په ناڅاپي ډول عمومي رخصتي اعلان شي، نو د یادو ځمکو د طرحو سپارل به په راتلونکې کاري ورځ، په همدې اعلان کې په ټاکل شوي وخت او ځای کې ترسره کېږي.
