د جلال آباد - کونړ عمومي سړک چې د وروستیو اورښتونو او سېلابونو له امله د ترافیکو پرمخ تړل شوی وو دا مهال بیرته پرانیستل شو
د وروستیو اورښتونو او سېلابونو راوتلو له امله د جلال آباد – کونړ عمومي سړک د کوز کونړ ولسوالۍ په مربوطاتو کې او د دره نور ولسوالۍ سړک د لنډ وخت لپاره د ترافیکو پرمخ تړل شوي وو، چې دا مهال دیاد ولایت د ټولګټو ریاست ماشینرۍ او پرسونل په هڅو بیرته پرانیستل شول.
دغه راز دیاد ولایت د ګوشتې، لعل پورې، مومند درې، کوز کونړ، شینوارو او دور بابا ولسوالیو سړکونه د ورستیو اورښتونو او سیلابونو را وتلو له امله زیان من شوي وو، چې دا مهال یې د ترمیم او رسوبي موادو د پاک کارۍ چارۍ د ننګر هار ولایت د تولګټو ریاست پرسونل او ماشینرۍ پر مټ په چټکۍ سره جریان لري.
ټولګټو وزارت تل هڅه کوي، چې هېوادوالو ته بشپړې ترانسپورتي آسانتیاوې رامنځ ته کړي او د اورښتونو او سېلابونو پرمهال د هېواد لویې لارې او سړکونه د درنو هېواد والو پرمخ پرانیستي وساتي.
