د سمنګان ولایت د حضرت سلطان پُل د ترمیم او بیا رغونې په اړه د ټولګټو وزارت خبرتیا!
د سمنګان ولايت د ټولګټو ریاست د دغه ولايت د حضرت سلطان ولسوالۍ اړوند دپُل کلان د ويجاړو شویو برخو د اساسي ترميم او بيارغونې چارې پيل کړې او د کار تر بشپړېدو پورې يې یاد مسیر د ترافيکو پرمخ تړلی دي. په همدې اساس د سمنګان ولایت د ټولګټو ریاست بدیلې لارې چمتو کړي چې زموږ ګران هیوادوال او محترم موټر چلوونکي کولای شي د یادې پروژې تر بشپړیدو پورې ترې ګټه واخلي او په یادو لارو تګ راتګ وکړي:
کوچني او مسافر وړونکي موټر: د کابل – مزارشریف مسیر او برعکس یې، د حضرت سلطان پُل ته نږدې د سیند ترمنځ فرعي سړک .
د کابل – مزار شریف مسیر بار وړونکي او مسافر وړونکي موټر کولی شي، د ډبرو سکرو د نوي مارکیټ له لارې چې د ایبک ښار له ترافیکو چوک څخه په ۱۶ کیلومترۍ کې موقعیت لري او همدارنګه د مزارشریف – کابل مسیر مسافران د حضرت سلطان ښارګوټي د آسیاب اباد فرعي مسیر څخه تګ راتګ کولی شي.
د سمنګان ولایت ټولګټو ریاست له ټولو درنو هېوادوالو او موټر چلوونکو څخه غوښتنه کوي چې پر دې لارو د تیریدو پر مهال ترافیکي قوانین مراعات کړي او د ښاریانو خوندیتوب په پام کې ونیسي.
د ټولګټو وزارت رسنیز دفتر
