د غزني ولایت اړوند د کابل – کندهار لویې لارې د یو شمېر بندو پُلګوټو د پاکولو کار دوام لري
د غزني ولایت په ناني سیمه کې د کابل – کندهار لویې لارې اړوند د یو شمېر بندو پُلګټو د پاکولو کار جریان لري.
دغه پُلګوټي، چې د سېلابونو د پاتې شونو له امله بند شوي، د اورښتونو پرمهال د اوبو جریان د بندښت او د یادې لویې لارې د ویجاړېدو لامل شوي، چې دا مهال یې د یاد ولایت د ټولګټو ریاست ماشینري، فني او مسلکي پرسونل له لوري د پاکولو چارې دوام لري.
د یادو پُلګوټو له پاکولو سره به د اورښتونو پرمهال د اوبو مسیر خلاص او ترڅنګ به یې د یادې لویې لارې ډيره برخه له تخریب څخه وژغورل شي.
