د ننګرهار په خوږیاڼو ولسوالۍ کې یوه سل متره پُل ګټې اخیستني ته چمتو دی
دا اوسپنیز ګاډري پُل چې ۱۰۰ متره اوږدوالی لري، د ننګرهار ولایت د خوږیاڼو ولسوالۍ په سرمه کلي کې جوړ او اوس مهال ګټې اخیستنې ته چمتو دی.
د یاد پُل رغنیز کار د څه باندې ۴۲ میلیون افغانیو په ارزښت د یوه خصوصي ودانیز شرکت له لوري ترسره شوی، چې مالي لګښت یې د هیواد له ملي بودیجې څخه ورکړل شوی.
د یاد پل په رغیدو د خوږیاڼو ولسوالۍ د سرمه کلي په ګډون د ګڼو نور اړوند کلیو د اوسېدونکو د تګ ـ راتګ ستونزې هوارې شوې او همدارنګه د دې پروژې د رغنیز کار په جریان کې د سیمې ګڼو اوسېدونکو ته د کار زمینه هم برابره شوې وه.
د ټولګټو وزارت رسنیز دفتر
