د ټولګټو وزارت د لویو لارو د خلاصون لپاره بشپړ چمتوالی لری

د هېواد د لويو لارو او سړکونو د نن ورځې وضعيت په لاندې ډول دی:
سالنګونه: د سالنګونو لویه لار  تیر شپه  د واورې تيز اورښت ، طوفان او دلید ساحې محدودیت له امله د ترافیکو پرمخ تړل شوې وه چی نن ورځ  ۱۱:۳۰  بجو مخکې له غرمې ټولګټو وزارت د سالنګونو د ساتنې او څارنې د رياست د پرسونل په نه ستړيکېدونکو هلو ځلو سره  د کوچنیو مسافروړونکو وسایطو پرمخ پرانیستل شوه ،او د یادې لویې لارې د پاک کارۍ چارې ترڅو د نورو وسايطو پر‌مخ هم پرانيستل شئ هم جریان لري.
سرپل : نن ورځ په سرپل ولایت کې د واورې اورښت جريان لري د البدر ولسوالۍ مسیر د واورې تیز اورښت له امله د ترافیکو پرمخ تړل شوی دی ،همدارنګه د یاد ولایت د ټولګټو ریاست په نه ستړيکېدونکو هڅو د قم کوتل مسير د ترافیکو پرمخ خلاص او پاککاری شوی ده .
فاریاب : په یاد ولایت کې د واورې اورښت جريان لري د میمنی جغلی مسیر چی د کوهستان والسوالی لار  ده  د واورې د تېز اورښت له امله د ترافیکو پرمخ تړل شوی ده .
غور: په یاد ولایت کې د واورې اورښت جریان لری چی ځینې مسیرونه په یاد ولایت کې د ترافیکو پرمخ  تړل شوی دې.
د ټولګټو وزارت سرپرست وزیر محترم الحاج ملا محمد عیسی ثاني د یاد وزارت ټولو ولایتي رئیسانو او کارکوونکو ته امر کړی، چې د واورې د اورښت پرمهال دې ولایتي ریاستونه او قراردادي شرکتونه د هېوادوالو د خوندي تګ راتګ په موخه لویو لارو او سړکونو ته جدي پاملرنه وکړي او یاد مسیرونه دې له واورو څخه پاک کاري کړي او د ترافیکو پرمخ دې پرانیستي وساتي.
د ټولګټو وزارت ولایتي پرسونل او قراردادي شرکتونه بشپړ چمتووالی لري، چې د واورې د اوریدو پر وخت د هېواد ټول نښلونکې مسيرونه او سړکونه د ترافیکو پرمخ پرانيستي وساتي.