د کابل ولایت د ټولګټو ریاست نوي رئيس رسماً خپله دنده پيله کړه

د ټولګټو وزارت د وړانديز او د عالیقدر امیر المؤمنین شیخ مولوي هبة الله آخندزاده حفظه الله (۱۵/۱۲/۱۴۴۵) نیټې د (۶۱۱۱) ګڼې حکم په بنسټ، ښاغلی قاري حجت الله عباس، د کابل ولایت د ټولګټو ریاست (کابل زون) د نوي رئیس په توګه وټاکل شو، چې نن یې د وزارت د یو شمیر مرکزي رئیسانو او کابل ولایت د استازي په  شتون کې د دغه ریاست کارکوونکو ته ور وپیژندل شو او رسماً يې خپله دنده پيل کړه.
په دغه مراسمو کې لومړی د عالیقدر امیر المؤمنین حفظه الله حکم د ټولګټو وزارت د بشري سرچینو رئیس ښاغلي انجنیر فضل الباري بلوڅ له لوري ولوستل شو.
وروسته ددغه وزارت یو شمېر رئیسانو په خپلو ویناوو کې؛ په اداراتو کې تغییر او تبدیل یو اصل وباله او زیاته یې کړه، چې د مشرانو اوامر پر ځای کول واجب دي.
په پای کې اړوند مسوولينو نوموړي ته په چارو کې د لوی څښتن تعالی څخه د لا بریاوو غوښتنه وکړه