د کاپیسا له جمال آغه – سربند کلي پورې د سړک جوړولو چارې ۴۰ سلنه کاري پرمختګ لري
دا کانکریټي سړک چې ۳.۴۷ کیلومتره اوږدوالی لري، د کاپیسا ولایت د حصه دوم ولسوالۍ له جمال آغه کلي څخه پیل او تر سربند کلي پورې غځېږي، چې اوس مهال یې رغنیز کار ۴۰ سلنه کاري پرمختګ لري.
د سړک یاده پروژه د ټولګټو وزارت له لوري له دوو سیمه ییزو شورا ګانو سره تړون شوي، چې مالي لګښت یې د افغانستان دولت له پراختیايي بودیجې څخه ورکول کېږي.
د دې سړک له جوړېدو سره به د حصه دوم ولسوالۍ د جمال آغه او سربند کلیو په ګډون د سړک اړوند کلیو اوسېدونکو لپاره ټرانسپورټي اسانتیاوې رامنځته شي او د کورني اقتصاد د پرمخ یون ترڅنګ به د چاپېریال په ښکلا او ساتنه کې هم د پام وړ رول ولري.
