په تیره اونۍ کې د اوسپنې پټلۍ له لارې (۷۷۵۰۶) مټریک ټنه انتقالات شوي دي

د ۱۴۰۳ هـ.ش. کال د سرطان مياشتې له ۱۵مې څخه تر ۲۱مې نېټې پورې د ټولګټو وزارت د اوسپنې پټلۍ له لارې (۷۷۵۰۶) مټریک ټنه انتقالات شوي دي.
د حیرتان بندر له لارې (۶۵۳۲۲) ټنه، د آقینې بندر له لارې (۵۶۸۱) ټنه او د تورغونډۍ بندر له لارې (۶۵۰۳) ټنه، چې ټولټال (۷۷۵۰۶) ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات دي، په تیره اونۍ کې (۱۷۴۱) مټریک ټنه صادرات شوي، چې لویه برخه يې وچه مېوه او د آنارو جوس دي.
درنو تجارانو! که غواړئ خپل سوداګريز توکي په خوندي، آرزانه او چټکه توګه د ريل پټلۍ له لارې انتقال کړئ، نو همدا اوس په مرکز کابل او ولايتونو کې د ټولګټو وزارت د اوسپنيزې کرښې معینیت له آړوند مسوولينو سره په آړيکه کې شئ.
•             کابل: 0202320933
•             بلخ: 0792008090
•             هرات: 0793500545
•             فارياب: 0794050003
د ټولګټو وزارت د اوسپنيزې کرښې معینیت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي.