د سالنګ لویې لارې د نن ورځې وضعیت:
نن ورځ په سالنګونو کې هوا وریېځ ده او دغه لویه لار د ترافیکو پرمخ خلاصه ده، چې دا مهال له ټیلري موټرو پرته بار وړونکي موټر له شمال څخه جنوب ته او مسافر وړونکي موټر له دواړو لور د ځنځیر (چین) په تړلو سره تګ راتګ کولی شي.
د سالنګونو د ساتنې او څارنې ریاست پرسونل او وسایط له یادې لویې لارې څخه د واوري په پاکولو بوخت دي.
ټولګټو وزارت له موټر چلونکو او مسافرو څخه غواړي، چې له یادې لویې لارې څخه د تېرېدو پرمهال د موټرو ځنځیر (چین) وتړي، ترافیکي قوانین مراعت کړي او له پوره احتیاط څخه کار واخلي.
