د ټولګټو وزارت سرپرست د کندهار ۔ اروزګان لویې لارې له کاري بهیر څخه لیدنه وکړه:
![د ټولګټو وزارت سرپرست د کندهار ۔ اروزګان لویې لارې له کاري بهیر څخه لیدنه وکړه:](/sites/default/files/2023-06/whatsapp_image_2023-06-09_at_11.38.25_am.jpeg)
د ټولګټو وزارت سرپرست محترم الحاج ملا محمد عیسی ثاني، کندهار ولایت ته د خپل کاري سفر په ترڅ کې، چې یو تخنیکي ټیم یې ملتیا کوي؛ د کندهار ۔ اروزګان لویې لارې رغنیزې چارې وارزولې او د کار جریان څخه یې له نږدې لیدنه وکړه.
دغه راز؛ د ټولګټو وزارت سرپرست له پاج کوتل او د سرکاري باغ له پله څخه هم لیدنه وکړه، د یاد پل د ترمیم او د بار وړونکو موټرو پر وړاندې یې د ظرفیت لوړولو په موخه مسؤولینو ته لازمې سپارښتنې وکړې.
د ټولګټو وزارت سرپرست محترم الحاج ملا محمد عیسی ثاني، د کندهار ۔ اروزکان لویې لارې رغنیز کار مثبت یاد کړ او د چارو د لا سمون او چټکتیا په موخه یې قراردادي شرکت او د پروژې څارونکي ټیم ته لازمې لارښوونې وکړې.