په دایکنډي کې د څه باندې ۴ کیلومتره سړک د ترمیم او پراخولو کار دوام لري
![په دایکنډي کې د څه باندې ۴ کیلومتره سړک د ترمیم او پراخولو کار دوام لري](/sites/default/files/2023-09/whatsapp_image_2023-09-27_at_3.52.35_am.jpeg)
د ټولګټو وزارت له لوري په دایکنډي ولایت کې ۴.۲۷۱ کیلومتره سړک د احداث، ترمیم او پراخولو کار جریان لري. یاد سړک، چې د ۷ پایو پُلګوټو د ترمیم کار هم په کې شامل دی، د یاد ولایت د مرکز نیلي اړوند له آب چکه سیمې څخه پیل او د ګیزاب ولسوالۍ تر مرز پورې رسیږي، چې د ترمیم او پراخولو کار یې د ټولګټو وزارت له لوري له یو خصوصي ودانیز شرکت سره د څه باندې ۱۵ میلیونه افغانیو په ارزښت قرارداد شوی دی، چې لګښت یې د دغه وزارت له بودیجې څخه ورکول کېږي. د دغه سړک د کار په جریان کې د سیمې یو شمېر اوسېدونکو ته د کار زمینه برابره شوي، چې له بشپړېدو سره به یې د ګیزاب ولسوالۍ د اوسېدونکو ترانسپورتي ستونزې هوارې او د پخوا په پرتله به په اساني سره مرکز نیلي ښار ته تګ راتګ وکړي.