د ټولګټو وزارت دری تنه رئیسان تغییر او تبدیل شول
د ټولګټو وزارت د وړانديز او د ریاست الوزرا عالي مقام د(۱۴۴۶/۵/۲۴) نیټې د (۲۶۶۶)ګڼې حکم پر بنسټ، محترم مولوي محمدغوث اواب چې پخوا یې په کانونو او پترولیم وزارت کې د رئیس په توګه دنده ترسره کوله د یاد وزارت د کورنۍ پلټنې د رئیس په توګه، محترم زمان الدین حبیبي چې مخکې د همدې وزارت د کورنۍ پلټنې رئیس و د یاد وزارت د تدارکاتو د رئیس په توګه او د دغه وزارت د تدارکاتو پخوانی رئیس محترم عبدالمحمد ترکی د یاد وزارت د ټرانسپورټي زېربناوو د رئیس په توګه ټاکل شوي دي، چې نن د وزارت د یو شمیر مرکزي رئیسانو په شتون کې د اړوند ریاستونو کارکوونکو ته ور وپیژندل شول.
په مراسمو کې لومړی د ریاست الوزرا عالي مقام حکم د ټولګټو وزارت د کار کوونکو چارو رئیس ښاغلي انجنیر فضل الباري بلوڅ له لوري ولوستل شو.
په پای کې اړوند مسوولينو نوموړو ته په چارو کې د لوی څښتن تعالی له دربار څخه د لا بریاوو غوښتنه وکړه.
۱۰قوس د ټولګټو وزارت رسنیز دفتر
