د کابل - جلال آباد لویې لارې پاک کاري په چټکۍ سره جریان لري
د کابل–جلالآباد لویه لاره، چې پرون شاوخوا، د مازدیګر ۴ بجې د کابل دروازې په درې کیلومترۍ، د تنگی غارو په سیمه کې، د غر ښویېدنې له امله د ترافیکو پر مخ تړل شوي وه، دا مهال يې د پاکولو چارې د ټولګټو وزارت د اړوند پرسونل لخوا په چټکۍ سره جریان لري.
د ټولګټو وزارت سرپرست وزیر محترم الحاج ملا محمد عیسی ثاني د کابل ولايت د ټولګټو ریاست ته لارښونه کړې چې د درنو هېوادوالو او موټر چلونکو د ستونزو د حل په موخه دې، یاده لویه لار ژر تر ژره د ترافیکو پر مخ پرانیزي.
دا مهال وسایط له بدیل ( فرعي مسير) څخه په نورمال ډول تګ راتګ کوي او د وسایطو د تګ راتګ لپاره کوم خنډ او ستونزه نشته.
د ټولګټو وزارت له ټولو درنو هېوادوالو او موټر چلونکو څخه هيله کوي، چې د ياد بديل (فرعي سړک) څخه د تېرېدو پر مهال له پوره احتیاط څخه کار واخلي ترافیکي قوانین دي مراعت کړي او د لارې د مؤظفینو لارښونو ته دې په کلکه پاملرنه وکړي.
ديادونې وړده چې دامهال د ټولګټو وزارت اړوند کارې ټیمونه په سیمه کې حضور لري او هڅه کوي، چې د يادې لویې لارې اصلي مسیر ژر تر ژره پاک کاري او د ترافیکو پر مخ يې پرانیزي.
