د کابل – کندهار لویې لارې د څلورمې برخې د درېیمې طبقې د آسفالټ چارې د میدان وردګ ولایت اړوند جریان لري
د کابل – کندهار لویې لارې اړوند د څلورمې برخې ۳۷.۶ کیلومتره سړک چې د سیدآباد ولسوالۍ له بازار څخه پیل د غزني ولایت ترحدودو یا عزیزکلا سیمې پورې رسیږي د سب بیس، بیس کورس، ATB، بیندرکورس برخو او ۸۸ پایې پلګوټو د بیارغونې چارې تیر کال بشپړې شوې وې او دا مهال یې د درېیمې طبقې د آسفالټ (ویرینګ کورس) چارې ۲۶ کیلومتره بشپړې شوې دي او پاتې نور یې په چټکۍ سره جریان لري.
په ورته وخت کې د یاد سړک څنډې یا شولډرونه هم په DBST ډول رغول کیږي، چې تردې مهاله د یادې برخې د ۲۰ کیلومتره شولډرنو کار بشپړ شوی دی.
د یادونې وړده، چې د یادې لویې لارې په بېلابېلو نورو برخو کې هم د درېیمې طبقې آسفالټ(ویرینګ کورس) او شولډرونو کار جریان لري چې په نږدې راتلونکي کې به بشپړ شي.
