د هیواد د سړکونو او لویو لارو د نن ورځې وضعیت:
د سالنګ لویه لار:
نن ورځ په سالنګ کې هوا نیمه وریېځ ده، د ورځې په جریان کې د واورې د اورښت اټکل شوی، دا مهال مسافر وړونکي موټر له دواړو لور او بار وړونکي موټر له شمال څخه جنوب لوري ته د ځنځیر(چین) په تړلو سره تګ کولی شي.
بامیان:
په بامیانو کې د دشت دیوالي – پنجاب ولسوالۍ او ورس پُل مسیرونه په موقت ډول د واورې ښوېدنې له امله بندې شوې، چې د پاکولو کار یې دوام لري.
غور:
په غور کې لارې خلاصې دي، د لعل او کرمان مسیرونو د پاکولو کار جریان لري، د یاد ولایت نوري ټولي لارې خلاصي دي.
بادغیس:
د دغه ولایت د قلعه نو – هرات مسیر کې د سبزک کوتل د واورې پاکولو کار دوام لري، د یاد ولایت نوري ټولې لارې خلاصي دي.
ټولګټو وزارت د ورستیو واورو له امله په تېره یوه اونۍ کې شاوخوا سلګونه کیلومتره سړکونو او لویې لارې لکه: د سالنګ لویې لار، د کابل – جلال آباد، کابل – ګردیز، ګردیز - خوست، کابل – غزني، میدان وردګ – بامیان او دایکنډي او غور – هرات لویې لارې او د پنجشیر عمومي سړک له واورو څخه پاکي کړي او د هیوادولو د تګ راتګ پرمخ پرانیستې دي.
همدارنګه د ځینو ولایتونو د ولسوالیو سړکونه او لارې هم له واورو څخه پاکاري شوې دي، چې له دې ډلې، د میدان وردګو د نرخ ولسوالۍ سړک، د غزني د واغظ ولسوالۍ سړک، د پکتیا د ډنډپټان ولسوالۍ سړک، د زابل د شینکۍ ولسوالۍ د ډب کوتل لارې له واورو څخه پاکي شوې دي.
