د ټولګټو وزارت لخوا د هلمند ولایت په ناد علی ولسوالۍ کې د یو محراب مسجد رغنیزې چارې د څه باندې ۳۳ میلیونه افغانیو په ارزښت جریان لري
د ټولګټو وزارت لخوا د هلمند ولایت په ناد علی ولسوالۍ کې د یو محراب مسجد رغنیزې چارې د ۳۳۹۶۲۸۹۳ میلیونه افغانیو په ارزښت له خصوصي سکتور سره قرارداد شوې دي، چې دا مهال یې کار ۲۰ سلنه فزیکي پرمختګ سره جریان لري.
د یاد مسجد په جوړیدو سره به د کابل – هرات لویې لارې د مسافرینو ستونزې هوارې شي، درنو هېواد والو ته به د اوداسه، لمونځ او د وسایطو لپاره د تمځای په برخه کې آسانتیاوې رامنځ ته شي.
دا په داسې حال کې ده، چې د عالیقدر امیر المؤمنین شيخ القران والحدیث مولوي هبة الله آخوندزاده حفظه الله د حکم په اساس د لویو لارو په اوږدو کې د هر ۷۰ کیلومتره په واټن سره یو محراب مسجد (په ټول هېواد کې ۷۵ محرابه مسجدونه رغول کیږي).
د هر یو مسجد لپاره ۳ جریبه ځمکه ځانګړې شوې ده او په یو وخت کې به ۳۰۰ تنو لمونځ کوونکو او په جلا توګه د ۱۷۰ نارینه او ۱۳۰ ښځینه لمونځ کوونکو ظرفيت ولري.
په يادو مسجدونو کې د نارینه او ښځینه لمونځ کوونکو لپاره په جلا توګه د اوداسه او لمانځه ځایونه په نظر کې نيول شوي دي.
