د کابل- غزني دویم لین سړک رغنیزې چارې په چټکۍ سره جريان لري

kalim_admin
پنجشنبه ۱۴۰۴/۴/۱۲ - ۱۰:۲۲
د کابل- غزني دویم لین سړک رغنیزې چارې په چټکۍ سره جريان لري

د ا.ا.ا ټولګټو وزارت د کابل -  کندهار لویې لارې اقتصادي او ټرانزيټي اهمیت ته په کتو او د پخواني لین سړک څخه د ګڼې ګوڼې د راکمېدو او ترافیکي پېښو مخنیوي په موخه د کابل – غزني لویې لارې د دویم لین سړک د اساسي رغونې کار په بېلابېلو برخو کې پیل کړی دی، چې دغه دویم لین سړک به په راتلونکي کې تر کندهار ښار پورې وغځول شي.

کابل کندهار سړک

د کابل – غزني دویم لین سړک، چې ټولټال ١١١ کیلو متره اوږدوالی لري، او رغنیزې چارې یې په بېلابېلو برخو ویشل شوې دي، چې دا مهال یې د اساسي رغونې کار په لومړۍ، درېیمه او پنځمه  برخه کې جریان لري، په یادو درېیو برخو کې ۷۲۳ تنه تخنیکي، فني او غیر فني کارکوونکي او ۳۷۸ عرادې مختلف النوع ماشینري په کار بوخت دي.

کابل کندهار سړک

د کابل – غزني دویم لین سړک په اوږدو کې د ۴ پایو لویو پلونو، ۳۱۷ پایو پلګوټو او د یو شمېر استنادي دېوالونو د اساسي رغووني کار هم شامل دی، چې چارې یې د معیاري او انجنیري اصولو مطابق ترسره کیږي.

کابل کندهار سړک

د دې پروژې د مالي لګښتونو د برابرولو لپاره، ټولګټو وزارت د کابل – کندهار پر لویه لار ټولپلازا فعاله کړې ده، چې ټول عواید یې په یو مشخص بانکي حساب کې جمع کېږي. ټولګټو وزارت خلکو ته ډاډ ورکوي، چې د دوی یوه افغانۍ هم بې ځایه نه لګول کیږي او دا پیسې یوازې د همدغه سړک د رغونې لپاره مصرف کېږي.

...

2 کلونه ۱ میاشت ago

...

...

تازه خبرونه

پنجشنبه ۱۴۰۴/۴/۱۹ - ۸:۱۸
Background image

د اوسپنيزې کرښې مرستيال د اوسپنې پټلۍ د نړيوالې اتحاديې (UIC) په ۱۲مه کنگره کې د ګډون په موخه چين ته سفر وکړ

د ا.ا.ا د ټولګټو وزارت د اوسپنيزې کرښې مرستيال محترم الحاج مولوي محمد اسحاق صاحبزاده او مل پلاوي پرون سه شنبه د اوسپنې پټلۍ د نړيوالې اتحاديې (UIC) په ۱۲مه کنگره کې د ګډون په موخه چين. . .

سه‌شنبه ۱۴۰۴/۴/۱۷ - ۱۲:۳۰
Background image

د خواف ـ هرات د اوسپنې پټلۍ  څلورمې قطعې د لومړی فاز رغنیزې چارې ۸۷ سلنه بشپړې شوې دي

د خواف ـ هرات د اوسپنې پټلۍ پروژه څلور برخې لري، چې له دې جملې دوې برخې یې د ایران هېواد اړوند او درېیمه برخه یې د هرات ولایت تر روزنک استیشن پورې رسیږي، چې رغنیزې چارې یې بشپړې شوې دي. . .

دوشنبه ۱۴۰۴/۴/۱۶ - ۱۱:۲
Background image

په تېرو دوو اوونيو کې د اوسپنې پټلۍ له لارې (۱۶۴۶۷۱) مټریک ټنه انتقالات شوي دي

په تېرو دوو اوونيو کې (د ۱۴۰۴ هـ.ش. کال د جوزا له ۳۰مې څخه د سرطان تر ۱۲مې) نېټې پورې د  ټولګټو وزارت د اوسپنې پټلۍ له لارې (۱۶۴۶۷۱) مټریک ټنه انتقالات شوي دي.

د حیرتان بندر له لارې (۱. . .

BACK TO NEWS