د کابل په ده سبز ولسوالۍ کې ۵.۸ کیلومتره سړک رغنیزې چارې ۵۰ سلنه پرمختګ لري
دا اسفالټي سړک، د ټولګټو وزارت له لوري د ۵.۸ کیلومټره په اوږدوالي سره د کابل ولایت د ده سبز ولسوالۍ له خواجه چاشت دوه لارې څخه پیل او د الله ګل مجاهد تر مدرسې پورې غځیدلی چې تر دې مهاله یې رغنیز کار څه باندې ۵۰ سلنه بشپړ شوی.
د سړک دا پروژه د څه باندې ۸۳ میلیون افغانیو په ارزښت، د ټولګټو وزارت او یوه خصوصي ودانیز شرکت تر منځ لاس لیک شوی، چې مالي لګښت یې د هېواد له ملي بودیجې څخه ورکول کېږي.
د دې پروژې د رغنیز کار له بشپړېدو سره به د ده سبز ولسوالۍ د اوسېدونکو ټرانسپورټي ستونزې تر پخوا کمي او د تګ راتګ په برخه کې به ګڼې اسانتیاوي رامنځته شي، همدارنګه د یادې پروژې د رغنیز کار له بشپړېدو سره د ده سبز ولسوالۍ اوسېدونکو ته په مستقیم او غیر مستقیم ډول ۱۴۲۰ کاري ورځې هم رامنځته شي.
