د کابل – کندهار لویې لارې د پاتې برخو د کار بیا پیلېدل او د یادې لویې لارې څخه د ټولګټو وزارت د سرپرست وزیر ليدنه

kalim_admin
دوشنبه ۱۴۰۴/۳/۱۲ - ۱۳:۴۹
د کابل – کندهار لویې لارې د پاتې برخو د کار بیا پیلېدل او د یادې لویې لارې څخه د ټولګټو وزارت د سرپرست وزیر ليدنه

د ا.ا.ا د ټولګټو وزارت سرپرست وزیر محترم الحاج ملا محمد عیسی ثاني کندهار ولایت ته د خپل کاري سفر په ترڅ کې د کابل – کندهار لویې لارې د بېلابېلو برخو له کاري بهير څخه ليدنه وکړه.

د ا.ا.ا ټولګټو وزارت د کابل – کندهار لویې لارې د پاتې برخو د اساسي بیارغونې چارې بیا پیل کړې دي او په بېلا بېلو برخو کې یې عملاً کار جریان لري.

د ټولګټو وزارت محترم سرپرست وزیر کندهار ولایت ته د سفر پرمهال د کابل – کندهار لویې لارې څخه پر لیدنې بسربېره، د یادې لویې لارې د قراردادي شرکتونو له مسوولینو، مؤظفو تخنيکي ټيمونو او انجنیرانو سره هم وکتل او د ټولو برخو شرکتونو او مسؤلینو ته یې د کار د چټکتیا، غوره کیفیت او پر وخت د چارو د بشپړولو په تړاو لارښوونه وکړه او زیاته یې کړه چې د سړک د بشپړو شويو برخو شولډرونه دې په اساسي ډول ورغول شي.

 همدا رنګه د قراردادي شرکتونو مسؤلینو او تخنیکي ټیمونو د تولګټو وزارت سرپرست وزیر ته ډاډ ورکړ، چې په ټول توان سره هڅه کوي، چې د یادې لویې لارې د اساسي بیارغونې کار د تخنیکي مشخصاتو سره سم پر وخت بشپړ کړي.

 دا په داسې حال کې ده، چې د ټولګټو وزارت د کابل – کندهار لویې لارې د اساسي بیارغونې چارې په بېلابېلو برخو کې پيل کړې وې، چې په اوږدو کې یې د زیات شمېر  پُلګوټو او لویو پلونو د ترمیم او بیارغونې کار هم شامل و، دا مهال ديادې لویې لارې د څه باندې ۴۳۰ کیلومتره سړک د لومړۍ او دویمې طبقې د آسفالت اچونې کار بشپړ شوی دی او  همدا رنګه د ځینو برخو د دریمې طبقې اسفالټ هم بشپړ شوی دی.

د یادونې وړ ده چې د ا.ا.ا د ټولګټو وزارت  تېرکال د کابل – غزني لویې لارې د دویم لین سړک د رغولو کار په دوو برخو کې د کابل له لوري پیل کړی و او سږکال یې د رغونې کار د غزني ولایت له لوري هم پیل شوی دی.

...

2 کلونه ۱ میاشت ago

...

...

تازه خبرونه

پنجشنبه ۱۴۰۴/۳/۲۹ - ۸:۱۸
Background image

د بلخ-هرات او هرات-کندهار د اوسپنې پټلۍ د ټاکل شويو مسيرونو د تائيدۍ په تړاو د همغږۍ دويمه ناسته وشوه

 د ا.ا.ا د رياست الوزراء عالي مقام د حکم په اساس؛ د ټولګټو وزارت د تخنيکي مرستيال محترم مولوي عبدالکریم فاتح په مشرۍ د بلخ-هرات او هرات-کندهار د اوسپنې پټلۍ د ټاکل شويو مسيرونو د تائيدۍ. . .

یکشنبه ۱۴۰۴/۳/۲۵ - ۱۴:۳۳
Background image

د ټولګټو وزارت سرپرست وزیر کاپیسا ولایت ته سفر وکړ

 د ټولګټو وزارت سرپرست وزیر محترم الحاج ملا محمد عیسی ثاني کاپیسا ولایت ته د سړکونو د ارزونې په موخه په داسې حال کې سفر وکړ، چې دیاد ولایت والي محترم قاری احسان الله بریال، دیاد ولایت د. . .

شنبه ۱۴۰۴/۳/۲۴ - ۷:۳۳
Background image

د سالنګونو لويې لارې د سړک د ځينو برخو د کښېناستلو اړوند ګنګوسې بې بنسټه دي

 د ا.ا.ا د رياست الوزراء عالي مقام د حکم په اساس د ټولګټو سرپرست وزير محترم الحاج ملا محمد عيسی ثاني او د رياست الوزراء د عالي مقام د پلاوي او د د ياد وزارت د ځينو رياستونو رئيسان د. . .

BACK TO NEWS