پنجشیر: په دره ولسوالۍ کې د یوه ۲۰ متره کانکریټي پُل رغنیزې چارې دوام لري
دا کانکریټي پُل چې ۲۰ متره اوږدوالی لري، د پنجشیر ولایت د دره ولسوالۍ په خواجه خیل عبدالله خیل کلي کې جوړیږي چې دا مهال یې د رغونې کار له ۱۵ سلنه کاري پرمختګ سره روان دی.
د دې پروژې د جوړلو تړون د ټولګټو وزارت له لوري له یوه خصوصي ودانیز شرکت سره لاس لیک شوی چې مالي لګښت یې د هیواد له پراختیايي بودیجې څخه ورکول کیږي.
د دې پله د جوړلو پرمهال د سیمې اوسېدونکو ته ګڼې کاري ورځې رامنځته شوي چې د کار له بشپړېدو ورسته به یې د دره ولسوالۍ د خواجه خیل عبدالله خیل کلي په ګډون د ګڼو نورو کلیو د اوسېدونکو د تګ راتګ ستونزې د پخوا په پرتله هوارې شي.
