په تېره اوونۍ کې د ټولګټو وزارت داوسپنې پټلۍ له لارې 178421مټریک ټنه انتقالات شوي دي

په تېره  اوونۍ کې (د ۱۴۰۴ هـ.ش. کال د کب/حوت میاشتې له ۱۵مې نېټې څخه تر ۲۱مې) نېټې پورې د ټولګټو وزارت د اوسپنې پټلۍ له لارې 178421  مټریک ټنه انتقالات شوي دي.

د حیرتان بندر له لارې 124533 ټنه، د آقینې بندر له لارې 16905 ټنه، د تورغونډۍ بندر له لارې 20193ټنه او د خواف–هرات له لارې 16790 ټنه انتقالات ترسره شوي، چې ټولټال178421ټنه نفتي، غیر نفتي او نور مواد دي، هېواد ته وارد شوي دي.

د انتقالاتو له ډلې یوه برخه صادرات دي، په تېره اوونۍ کې ۱۰۹۰ ټنه صادرات شوي، چې لويه برخه یې وچه مېوهاو دانار جوس دي.

هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.

د ا.ا.ا دټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي او د ملي عوايدو د زياتوالي په موخه د ريل پټلۍ له لارې د سوداګریزو توکو د لیږد-رالیږد بهیر روان او چټک وساتي.