په نیمروز ولایت کې د لوړ تناژ وسایطو د تلې لپاره یوه ودانۍ جوړه او ګټې اخيستنې ته وسپارل شوه
د نیمروز ولایت په دلارام ولسوالۍ کې د ټولکټو وزارت له لوري د لوړ تناژ وسایطو د وزن د کنترول د تلې لپاره یوه ودانۍ جوړه او د نیمروز ولایت د والي، د ياد ولايت د ټولګټو رئيس، قومي مخورو او ديني علماوو په شتون کې ګټې اخیستنې ته وسپارل شوه.
یاده ودانۍ د ټولګټو وزارت لخوا د تلې د پرسونل د کارونو د تنظیم او د ترانزیټي چارو د چټکتيا په موخه د دوه ميليونه افغانیو په ارزښت رغول شوې ده.
د یادونې وړه ده، چې یاده تله د لوړ تناژو وسایطو د وزن د کنټرول په موخه نصب شوې ده، تر څو د وسایطو وزن کنټرول او د سړکونو له تخریب څخه مخنیوی وشي.
