داوطلبۍ ته د بلنې خبرتیا - د نائبآباد تمځای د ۱.۶۹۴ کیلومتره اوسپنې پټلۍ او دوو بابو هنګرونو جوړولوپروژه
Publish Date
Closing Date
ټولګټو وزارت ټولو په شرایطو برابرو داوطلبانو ته بلنه ورکوي؛ ترڅو د نائبآباد تمځای د ۱.۶۹۴ کیلومتره اوسپنې پټلۍ او دوو بابو هنګرونو جوړولوپروژې د داوطلبۍ په پروسه کې ګډون وکړي.
علاقهمند داوطلبان کولای شي د شرطپاڼې او تخنیکي اسنادو سافټ کاپي د ملي تدارکاتو ریاست له (https://tenders.ageops.af ) وېبپاڼې او د افغانستان د پرانیستو برېښنايي تدارکاتو له سیسټم څخه ترلاسه کړي.
داوطلبان دې خپل آفرونه د شرطپاڼې له شرایطو او د تدارکاتو له اصولو سره سم، په مهر او تړل شوې بڼه، د اعلان د خپرېدو له نېټې څخه د ۱۴۰۵/۵/۱۷ هـ.ش نېټې د سهار تر ۱۰:۰۰ بجو پورې د ټولګټو وزارت د تدارکاتو ریاست ته، چې ملالۍ واټ، د پخواني کورنیو چارو وزارت پر سړک، د احصایې او معلوماتو ملي ادارې ترڅنګ موقعیت لري وسپاري.
ناوخته رسېدلي او د انټرنېټ له لارې استول شوي آفرونه د منلو وړ نه دي.
د آفرونو د پرانیستې غونډه به د ۱۴۰۵/۵/۱۷ هـ.ش نېټې د سهار په ۱۰:۰۰ بجو د ټولګټو وزارت مقر په جومات کې ترسره شي.
د تادیاتو تمویل: یاده پروژه د پانګونې د تړون له لارې عملي کېږي. د قرارداد اړوند تادیاتو عواید د تأسیساتو له بشپړېدو وروسته د افغانستان اسلامي امارت د نافذه اصولو سره سم راټولېږي، او د قراردي انوایس له همدې عوایدو څخه ورکول کېږي.
