تخار: د بنگي – اشکمش د۱۰ کیلومتره سړک د ترمیم او چغل اچونې چارې دوام لري
د تخار ولایت د بنگي او اشکمش ولسوالیو ترمنځ د ۱۰ کیلومتره سړک د ترمیم او جغل اچونې چارې په چټکۍ سره دوام لري، چې د تخار ولایت د ټولگټو ریاست له لوري یې نظارت کېږي.
د سړک د ترمیم او جغل اچونې دا پروژه د ټولگټو وزارت لخوا له یوه خصوصي ودانیز شرکت سره د څه باندې درې میلیونه افغانیو په ارزښت تړون شوې ده او د ا.ا.ا، له لوري تمویلیږي.
د دې پروژې د کار په جریان کې د سیمې اوسیدونکو ته په مستقیم او غیر مستقیم ډول کاري بوختیاوې رامنځته شوې دي او د کار له بشپړیدو سره به د بنگي او اشکمش ولسوالیو د اوسیدنکو ترانسپورتي ستونزې د پخوا په پرتله هوارې شي.
ټولگټو وزارت هڅه کوي، چې د دغه وزارت مالي امکاناتو ته پام سره د خلکو ترانسپورتي ستونزي هواري کړي.
