خوست: په موسیخیلو ولسوالۍ کې د یوه پایه ۳۰ متره پل د جوړولو کار روان دی
د خوست ولایت په موسیخیلو ولسوالۍ کې د یوه پایه پله د جوړولو کار د سیمې د خلکو او یوه خیریه بنسټ په مالي ملاتړ جریان لري.
دغه پل، چې ۳۰ متره اوږدوالی او ۸ متره پلنوالی لري، د خوست ولایت د ټولګټو ریاست د انجنیري ټیم لخوا یې د طرحې، ډیزاین او سروې چارې له وړاندې ترسره شوې دي، چې دا مهال یې د جوړولو کار د جریان لري او د یاد ولایت د ټولګټو ریاست د انجنیري ټیم له لوري یې دوامداره څارنه ترسره کیږي.
د دغه پل د کار په جریان کې به د سیمې یو شمېر اوسېدونکو ته د کار زمینه برابره شي او د کار له بشپړېدو سره به یې؛ د پکتیا د جانيخیلو ولسوالۍ په شمول، د خوست د موسیخیلو او قلندر خیلو ولسوالیو د اوسېدونکو ترانسپورتي ستونزې هواري شي.
