د بدخشان په یفتل بالا ولسوالۍ کې د ۱۰ کیلومتره سړک رغنیزې چاري په بشپړېدو دي
دا سړک چې ۱۰.۵۴ کیلومتره اوږدوالی لري، د ټولګټو وزارت له لوري د بدخشان ولایت د یفتل بلا ولسوالۍ له سمچان درې څخه تر لنگر کلي پورې جوړیږي. چې اوس مهال یې رغنیز کار ۹۷ سلنه پرمختګ لري او د پاته کار له بشپړېدو ورسته به ګټې اخیستنې ته و سپارل شي. د سړک دا پروژه د ټولګټو وزارت او اوو سیمه ییزو پراختیایي شوراګانو ترمنځ تړون شوي وه. چې مالي لګښت یې د هیواد له ملي بودیجې څخه ورکول کیږي. د یاد سړک د رغنیز کار په بهیر کې د سیمې اوسېدونکو ته ګڼې کاري ورځې رامنځته شوي، چې اوس مهال به یې د چارو له بشپړېدو سره د یفتل بالا ولسوالۍ د ناروند، سمچان، چکولچ او پیشتیک کلیو په ګډون د د سړک اړوند کلیو اوسېدونکو ته ټرانسپورټي اسانتیاوې رامنځته شي.
