د خوست ځوانانو د ملي احساس له مخې د يوه پله ورانه شوي برخه بیرته ورغوله
د خوست ولایت ګڼو ځوانانو د ملي احساس له مخي په خپل شخصي لګښت د هغه پله ورانه شوه برخه بيرته ورغوله چې د ورستیو سېلابونو له کبله ورانه شوې وه.
دغه پُل چې ۱۰ متره اوږدوالی لري د خوست په ګربزو ولسوالۍ د بړې تاڼې په سيمه کې موقعيت لرې چې غلام خان بندر ته پر غځېدلي سړک پروت دی.
وروستیو سیلابونو د هیواد په ګڼو سیمو کې لارې بندې او ورانې کړې چې د ټولګټو وزارت له خوا بیرته پرانستل او تر ډېره و رغول شوې.
بايد وویل شې؛ سړک، پل او پلچک له ملي شتمنيو څخه ګڼل کیږي چې ساتنه او پالنه يې د هر افغان ملي او ديني وجيبه ده.
د ټولکټو وزارت له ټولو افغانانو څخه هيله کوي چې د سړکونو، پلونو او پلګوټو په ساتنه کې د ملي وجیبې له مخې برخه واخلي او هېودا په ګډه آباد کړي.
تیم مطبوعات وزارت فوایدعامه
