د فراه ولایت په ګلستان ولسوالۍ کې د یو محراب مسجد رغنیزې چارې د څه باندې ۳۲ میلیونه افغانیو په ارزښت جریان لري
د ټولګټو وزارت لخوا د فراه ولایت په ګلستان ولسوالۍ کې د یو محراب مسجد رغنیزې چارې د ۳۲۶۳۲۶۸۴ افغانیو په ارزښت له خصوصي سکتور سره قرارداد شوې دي، چې دا مهال یې کار د ۲۴ سلنه فزیکي پرمختګ سره جریان لري.
دا لومړی ځل دی، چې په افغانستان کې د عالیقدر امیر المؤمنین حفظه الله د حکم پر بنسټ د لویو لارو به اوږدو کې دا ډول مسجدونه رغول کیږي، چې په رغیدو سره به یې د مسافرینو ستونزې د پخوا په پرتله هوارې او هیوادوال به په ارامه فضا کې د الله ﷻ عبادت او الهي فرایض ادا کوي.
